DUQ reisi Rabiye xanimning hawalisi buyunche towendiki chaqiriqni diqitinglargha teqdim qilduq. bu chaqiriqni tepsili we estayidil korup chiqip, teklip-pikiringlarni berishingalrni iltimas qilimiz.
++++++++++++++++++++++++++
Sherqiy Turkistanning Nöwettiki jiddiy Weziyiti Toghrisida Helq'araliq pewqulate Kengesh Yighini
Biz Sherqi Türkistanliqlar, jümlidin Uyghurlar, Manju istilasidin tartip mustemlikige muptila bolghan mushu 200 yilgha yéqin waqit ichide, Milli Musteqiliqimizni eslige kelturush, öz nomusimizni aqlash we erkinligimiz üchün toxtimay koresh qilip kelduq.
Bolupmu Sherqiy Turkistan Xitay kommunistliri teripidin bésiwilin'ghan 60 yil ichide, azadliq körishimiz eng yuqiri pellige chiqqan bolup, xelqimiz, qehrimanlirimiz özlirining issiq jéni, yashliq hayati we barliq imkani bilen bu küreshni dawamlashturdi.
Düshminimizning qanchilik kuchlük bolushi we bizni wehshilerche basturushliri xelqimizni bir qedemmu arqigha chikindurelmidi we umidsizlendurelmidi. Musteqilchi rehberlirimiz, ziyaliylirimiz, heqiqiy diniy olimalirimiz, yazghuchi - shair, tarixchilirimiz we siyasetchilirimiz herqaysisi öz dewride,'öz alahidiliki bilen muqeddes meqsitimiz uchun xizmet qildi we ewladlarni yitishturdi. Ular özlirining nutuqlirida we shagirt terbiyileshte, yazmilirida we shiéirlirida bizlerge yitekchi idiye we sunmas rohlarni qaldurup ketti. Gerche ular öz xelqining erkinlikini korushke muyesser bolalmay, azadliq , nijatliq dégenni yadlap tamcha-tamcha yashlarni eqitip, lehte-lehte qanlarni töküp, putun yashliq ömirini turmilerde ötküzüp, < ah azadliq > dep yoruq dunyagha teshna bolup u alemge ketken bolsimu, ularning yüksek ghayisi, polattek iradisi, chikinmes rohi bizni yitildurdi. Ular pütün arman we meqsetlirini biz ge amanet qoyup ketti.
Biz azadliq mirasxorliri dunyaning hemme yéride qolimizning kilishiche, öz imkanlirimiz bilen, xelqning azadliqi üchün küresh qilip kiliwatimiz.
Lékin, xitay mustemlikichiliri barghanséri ghaljirliship, xelqimizning ehwali intayin éghir bolmaqta. Hazir waqit intayin qisqa, teghdirimiz bir nepes ustide qaldi. Jiddiy tedbir qollanmisaq bolmaydighan , pikir birliki, eqil birliki, kuch birlikini emelge ashurush üchün jiddiy qarar maqullap, texirsiz tedbir qollinidighan waqtimiz keldi.
Buning üchün biz dunyadiki Sherqi Türkistanliq (Uyghuristan)larning wekil xaraktérlik zatlirining eqil-pikirige, hamkarliqigha muhtaj. Biz pütün dunyadiki xelqimizning ortaq awazini élish zörüryitini his qilmaqtimiz.
Bu munasiwet bilen, Dunyaning herqaysi elliridin kelidighan 300 – 500 wekilning qatnishishida pewquladde yighin chaqirish qararigha kelduq.
Aldi bilen dunyaning barliq jayliridiki Sherqiy Turkistanliqlar özi turushluq dölet, sheherlerni asas qilip, shu jaydiki barliq sherqiy Türkistan teshkilatlirining hemde xelq aqsaqallirining muzakirisi arqiliq bu qétimliq xelqaraliq Kengesh yighin'gha wekil teyinlesh komitéti qurup chiqishi lazim.
Mezkur komitét her qaysi sheherlerdiki xelqimizning sanigha qarap demokratik asasta wekil saylaydu, bu wekiller DUQ ning wekilliridin we shu yerdiki bashqa Teshkilatlarning wekilidin sirt, yene xeliq wekili nami bilen yighin'gha qatnishidu.
Wekillerning salahiyiti töwendikiche bolidu:
- Xeliq wekilliri ( her bir dolettiki Sherqi Turkistanliqlar olturaqlashqan sheherlerdin demokratik asasta saylinip chiqilghan helq wekilliri inawetlik jamaet erbapliri, soda – sanaet sahesidiki wekil xarektirlik erbaplar, yashlar we ayallar wekilliridin terkip tapidu ).
- diniy erbaplar
- Ziyaliylar
- Shu doletlerde turushluq herqaysi Teshkilatlarning rehberliri ( mayli DUQ terkibide bolsun – bolmisun )
- Shu doletlerde turushluq DUQ ning wekilliri we rehberliri
Her bir dölettiki Sherqiy Türkistanliqlarning yuqirida éytilghan wekillerni saylap chiqish we yighin'gha kelguchilerning namzat tizimlikini turghuzush guruppisini derhal teshkillishini umid qilimen.
Bu Kengesh yighinini 2010- yili 11 -ayning 12-küni ( Jumhuryet künimizde), Washingtonda echish siyasi jehetin ehmiyetlik dep qaraymiz. Shunga her bir dölettin kilidighan xadimlarning tizimlikini tizlikte Amérika köchmenler idarisigha melum qilip, herqaysi döletlerdiki Amérika konsulxanilirining Viza berishte asanliq yaritish, yighin ishtirashchilirining yighinimizgha tuluq qatnishishigha kapaletlik qilish…mesililirini hel qilish nöwetiki jiddi bir texnikiliq we waqit telep qilidighan mesile.
Shunga barliq wekillerning isimlikining waqtida yollap bérilishi, yighinimizning muwappeqiyetlik échilishi üchün nahayiti muhim bir basquch hésablinidu.
Men bu qétimqi yighinda her tebiqe, oxshimighan qarash we her xil gruptiki barliq Sherqiy Turkistanliqlar bilen pütün bir gewde hasil qilip, ulardin toluq salahiyet elip, bu arqiliq xelqimizge béridighan jawabni xelqimizning awazi bilen emeliyleshturmekchimen.
- Milli teqdirimizni qandaq hel qilimiz?
- Biz xelqimizni qandaq qutuldurmaqchi?
- Ürümqi qirghinchiliqigha oxshighan jiddiy pajielerde biz xelqimizge qandaq yardemlerni qilmaqchi?
- Milliy herikitimizning bundin keyinki istiratigiyesini qandaq elip barimiz?
- Qaysi xil yol milliy herikitimiz üchün teximu paydiliq?
- Nöwette Weten ichi-téshida jiddi elip berishqa tegishliq paaliyetler qaysi?
- Siyasi yölünüshi we taktikisi bir – birige oxshimighan teshkilatlar otturisidiki munasiwetler qandaq bolushi kerek? ular qandaq paaliyet elip berishi lazim?
- Herqaysi teshkilatlar we siyasiy paaliyetchiler özara qandaq hemkarlishimiz?
- Ichki we Sirtqi Teshwiqat xizmetlirini qandaq kuchlendurishmiz?
- Iqtisadi mesililerni qandaq qilimiz?
- Ichki-Tashqi hujumlargha qandaq taqabil turimiz?
- Xitay hökümiti ichimizde xainlirini köpeytip, ziddiyet sélishqa, milli birligimizni parchilashqa urunuwatidu, buninggha qandaq tedbir qolinimiz?
- Yene bashqa muzakire qilish zorur bolghan mesililer…?
Mana yuqarqilar aldin oylishidighan muhakime témiliri.
Bu qetimqi kengihesh yighini bilen, yuqarqi suallargha hemimiz birlikte jawap tapimiz, hemmimiz eqil-pikirni birlikke kelturimiz. Shuning bilen birge, mewjut buliwatqan zidiyetlerge xatime berip, itipaqliq we ortaqliqni emelge ashurushni, shundaqla hemmimiz birge buningdin kéyinki istratégiye, yétekchi idiye we Sherqi Turkistanliqlarning mangidighan yönülüshini belgileshni meqset qilimiz.
Yighinning wahti hazirche 2010-yili 11-ayning 12-kuni bashlinip, 16-küni kechte axirlishidighan yeni jemi 5 kün qilip pilanlandi. Bu heqte konkirit yighin programliri ayrim tuzulup, zoruriyet bolghanda teklipnameler bilen birge yighin ishtirakcilargha ewetilidu.
Barliq Sherqiy Turkistanliq wetendashlirimning, bu qetimqi Xelqaraliq Kengesh yighiningha jiddi köngül bölüshi we ishtirak qilishini bir milli mejburyet dep qarishni iltimas qilimen.
Hörmet bilen,
Rabiya Kadeer
2010-yili 8-ayning 21-küni
Amerika / Washington
|
